||Sundarakanda ||
|| Sarga 43||( Only Slokas in Devanagari) )
हरिः ओम्
Sloka Text in Telugu , Kannada, Gujarati, Devanagari, English
sundarakāṁḍa.
atha tricatvāriṁśassargaḥ
tataḥ sa kiṁkarān hatvā hanumādhyānamāsthitaḥ|
vanaṁ bhagnaṁ mayā caityaprāsādō na vināśitaḥ||1||
tasmāt prāsādamapyēnaṁ bhīmaṁ vidhvaṁśayāmyaham|
iti saṁcitya manasā hanumān darśayan balam||2||
caityaprāsādamāplutya mēruśr̥ṁga mivōnnatam|
ārurōha kapiśrēṣṭhō hannumān mārutātmajaḥ||3||
āruhya girisaṁkāśaṁ prāsādaṁ hariyūthapaḥ|
babhau sa sumahātējāḥ pratisūrya ivōditaḥ||4||
saṁpradhr̥ṣya ca durdharaṁ caityaprāsādamuttamam|
hanumān prajvalan lakṣmyā pāriyātrōpamā bhavēt||5||
sa bhūtvā su mahākāyaḥ prabhavān mārutātmajaḥ|
dhr̥ṣṭamāsphōṭayāmāsa laṁkāṁ śabdēna pūrayan||6||
tasyāsphōṭita śabdēna mahatā śrōtaghātinā|
pēturvihaṁgamāstatra caityapālāśca mōhitāḥ||7||
astra vijjayatāṁ rāmō lakṣmaṇaśca mahābalaḥ|
rājā jayati sugrīvō rāghavēṇādhipālitaḥ||8||
dāsōshaṁ kōsalēṁdrasya rāmasya kliṣṭakarmaṇaḥ|
hanumān śatrusainyānāṁ nihaṁtā mārutātmajaḥ||9||
na rāvaṇasahasraṁ mē yuddhē pratibalaṁ bhavēt|
śilābhistu praharataḥ pādapaiśca sahasraśaḥ||10||
arthayitvā purīṁ laṁkāṁ abhivādya ca maithilīm|
samr̥ddhārthō gamiṣyāmi miṣatāṁ sarva rakṣasām||11||
ēvamuktā vimānasthaḥ caityasthān hariyūthapaḥ|
nanāda bhīmanirhrādō rakṣasāṁ janayan bhayam||12||
tēna śabdēna mahatā caityapālāḥ śataṁ yuyuḥ|
gr̥hītvā vividhān astrān prāsānkhaḍgānparaśvathān||13||
visr̥jaṁtō mahākāyā mārutiṁ paryavārayan|
tē gadābhirvicitrābhiḥ parighaiḥ kāṁcanāṁgadaiḥ||14||
ajaghnurvānaraśrēṣṭhaṁ bāṇaiścādityasannibhaiḥ|
āvarta iva gaṁgāyāḥ tōyasya vipulō mahān||15||
parikṣipya hariśrēṣṭhaṁ sa babhau rakṣasāṁ gaṇaḥ|
tatō vātātmajaḥ kruddhō bhīmaṁ rūpaṁ samāsthitaḥ||16||
prāsādasya mahāntasya staṁbhaṁ hēmapariṣkr̥tam|
utpāṭayitvā vēgēna hanumān pavanātmajaḥ||17||
tataḥ taṁ bhrāmayāmāsa śatadhāraṁ mahābalaḥ|
tatra cāgnissamabhavat prāsādaścāpyadahyata||18||
dahyamānaṁ tatō dr̥ṣṭvā prāsādaṁ hariyūthapaḥ|
sa rākṣasaśataṁ hatvā vajrēṇēṁdra ivāsurān||19||
aṁtarikṣē sthitaḥ śrīmān idaṁ vacanamabravīt|
mādr̥śānāṁ sahasrāṇi visr̥ṣṭāni mahātmanām||20||
balināṁ vānarēṁdrāṇāṁ sugrīvavaśavartinām|
aṭaṁti vasudhāṁ kr̥tsnāṁ vayamanyē ca vānarāḥ||21||
daśanāgabalāḥ kēcit kēcit daśaguṇōttarāḥ|
kēcinnāgasahasrasya babhūvuḥ tulyavikramāḥ||22||
saṁti caughabalāḥ kēcit kēcidvāyubalōpamāḥ|
apramēya balāścānyē tatrāsan hariyūdhapāḥ||23||
īdr̥gvidhaistu haribhirvr̥tō daṁtānakhāyudhaiḥ|
śataiḥ śatasahasraiśca kōṭībhirayutairapi||24||
āgamiṣyati sugrīvaḥ sarvēṣāṁ vō niṣūdanaḥ|
nēyamasti purī laṁkā na yūyaṁ na ca rāvaṇaḥ|
yasmādikṣvāku nāthēna baddhaṁ vairaṁ mahātmanā||25||
ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsundarakāṁḍē tricatvāriṁśassargaḥ ||
|| Om tat sat ||